قبل ما تفضى شوية علشان تشرب قهوة في حتة بعيدة

عمرك فكرت ان القهوة كان فيه اللي بيحرمها وفيه كمان اللي علشانها اتظاهر وعمل وقفات احتجاجيه 

عمرك اهتميت تعرف اضرارها  او حتى بداية التعرف عليها وامتى وازاي ظهرت في مصر

 

لا طبعا مش كده لانك كل اللي تعرفه عنها هو فوايدها واولهم واكترهم اهمية بالنسبة لك انها بتعدل دماغك وتحسن مزاجك وتزود من قدرتك على الانجاز

 

كمل بقى الفيديو ده علشان جمعنا لك فيه قصص وحكايات كتيرة عن القهوة

 

جاهز؟

يلا بيناا

 

بيقال ان زمان كان فيه راعي غنم وهو سارح بالغنم بتاعه لقاهم بياكلوا نبات كده

طبعا عادي يعني هو سابهم ما هو مش معقولة يعمل عقله بعقل غنم

بس بعدها بدأ يلاحظ تغير كبير وهيبرة في سلوك الغنم ده وان النبات ده بيخليهم انشط

فقالك الله بدي ادوق وداق فعلا ولقى ان النبات ده بيصحح ويعلي التركيز

 

وخد منه شوية ووداهم للدير 

واللي في الدير حرموه وقالوا لك احرق لنا البتاع ده كده 

بس خلال حرقه طلع ريحة حلوة فخادوه وحطوه في ميه وتقريبا ده شكل مبدأي او بداية خروج القهوة للنور

 

وفي عصر العثمانين او ذي ما تقول كده في اواخر عصر المماليك 

كان فيه طلاب يمنيين بيدرسوا في الازهر الشريف وكان معاهم مشروب كده كل ما يشربوه يفوقوا ويطبقوا ويذاكروا اكتر بكتير من الطلاب التانية ومن طالب لطالب انتشر شرب المشروب ده بين الطلاب في الازهر وطبعا من اسرة طالب لطالب انتشر الموضوع في الشوارع وبين الناس

 

وهنا بدأ شوية من رجال الدين يقارنوا بين القهوة والخمر ويقولوا بما انها بتأثر على العقل وتخليكم كده يبقى دي حرام

وبدأ شوية من المتعصبين يقولوا ان ملعون اللي يشربها واللي يسقيها للناس في اشارة طبعا للقهوجية او اي حد بيعملها لحد

 

ومن هنا حصل فرقة وانقسام 

اللي يقولك لا طبعا دي عادية ومش بتذهب العقل ولا حاجة

واللي يقولك ايوة دي بتفوقنا وتسعدنا ده مشروب مش طبيعي ويستحق انه يتوقف

 

وبدأ يحصل مظاهرات ووقفات احتجاجية من القهوجية والناس وناس ماتت كمان 

 

وفي الاخر استمر وجود البن واستمرت القهوة 

 

القهوة مشروب عالمي والبن بيستخدم عالميا بنسب كبيرة 

بتختلف الشعوب في صناعتها بس ده ميمنعش انهم بيحبوها جدا 

ولكل شيخ طريقة

 

بالنسبة للناس اللي بتحب القهوة احب اقول لهم عندكم حق لان القهوة بجانب انها بتفوقك وتفرفشك وتنعنشك

هي كمان وفقا لبعض المصادر بتقلل من الخرف والزهايمر

وبتنشط الدماغ وتحفز الذاكرة 

بس خد بالك علشان بردو شرب القهوة الكتير بيعمل حالة من الادمان اللي هو كل ما تعود دماغك على كمية معينة من القهوة بتطلب كمية اكبر ده غير انها بتسبب ارق وعصبية

طب والحل

الحل ببساطة هو انك تشربها باعتدال وبراحة فتعرف تاخد فايدتها وتتجنب اضرارها 

 

نيجي بقى للعمق واللي القهوة مرتبطة بالعمق وبالنهار وبفيروز

او يمكن الجيل بتاعنا ده رابطتها بكده

هي حالة كده

تلاقي استوريز الواتساب والانستا صوت فيروز في الخلفية وفنجان القهوة جنبه كتاب والنهار طالع

بص هو ده ملهوش علاقة بالعمق وهو مجرد تريند مش اكتر لانك ممكن تشرب القهوة في اي وقت في اليوم وانت بتسمع منير بالليل عادي جدا

 

بس ده ميمنعش ان القهوة كانت مشروب مفضل وبتحتل جزء كبير من حياة مشاهير وناس علامات في التاريخ

ذي بيتهوفن بتاع الموسيقى

ونابليون بونابرت وغيرهم كتير

 

 

واخيرا عرفنا بتشرب قهوتك ازاي وامتى

ومتنسوش تقولوا لنا عايزين نكلمكم في ايه الفترة اللي جايه

 

سلام